Major Gen. Neri, bagong ISAFP—Duterte

ITINALAGA ni Pangu­long Rodrigo Duterte si Major General Erwin Ber­nard Neri, dating pinuno ng Task Force Davao, bilang bagong hepe ng Intelligence Service of the Armed Forces of the Philippines (ISAFP).

Si Neri ay nagsilbing deputy kay dating ISAFP Chief Lieutenant General Macairog Alberto, na ipinro­mote ng pangulo bilang com­manding general ng Philip­pine Army nitong nakalipas na buwan. Kapwa nagsilbi sina Al­berto at Neri bilang com­mander ng Task Force Da­vao at Army’s 1001st In­fan­try Brigade sa Compos­tela Valley.

Nagtapos si Neri sa Phi­lip­pine Military Academy Class noong 1988.

Una nang itinalaga ni Pangulong Duterte si Un­dersecretary Jesus Melchor Quitain bilang officer-in-charge (OIC) ng Office of the Special Assistant to the President (OSAP).

Pansamantalang papa­li­tan ni Quitain si Christo­pher ‘Bong” Go na nagbitiw sa puwesto.