Ginawang batas sablay, batang kriminal lumala — Digong | KIKO, PINAKABOBONG abogado!

MULI na namang su­mabog si Pa­ngulong Rodrigo Duterte kay Sena­dor Francis ‘Kiko’ Pangilinan, makara­ang tawaging “pinakabobo” dahil sa pag­kakapasa ng Re­public Act 9344 o Juvenile Justice and Welfare Act of 2006 o ang batas na nagpa­palaya sa mga menor-de-edad na sangkot sa krimen.

Batay sa ilalim ng batas, hindi maaaring makulong ang 15-anyos pababa na na­sasangkot sa krimen at iba pang paglabag.

“Make sure that your argument is also better than mine because if you do not have anything to say except to criticize like Pa­ngilinan, well I’m sorry, better shut- up,” pahayag ng pangulo.

“Wala ka talaga. Ikaw ‘yung abogado nalaman kong pinakabobo sa lahat. I will — I’m not — I’m not try­ing to destroy him. But I will — in two minutes, I will destroy him,” ani P-Duterte.

“Pinasa niya ang batas sa Juvenile Law… Fifteen years old, hindi mo maku­long. Doon tayo nagkaroon ng great injus­tice,” sabi pa ng pangulo. Sa kabila nito, wala na­man aniyang inten­siyon ang pangulo na sirain ang pag­kakaibigan nila ni Pangilinan ngunit, hindi uma­no makat­wiran ang batas na tila kinu­kunsinte lang ang mga me­nor-de-edad na nag­kaka­sala.

“Labas-pasok all through­out of the coun­­try. Ang nagkasala, rape with homi­cide, balewala… Mag-isip lang kayo noon pa hindi pa panahon sa batas ni Pangi­linan at ngayon... Hindi mo talaga ma-detain ang bata whatever the crime may be. It could even be ge­no­cide. Walang sasagu­tin,” dagdag pa ng Punong Ehe­kutibo.