• Jeff Tumbado / Madel Moratillo

Kahit guilty sa graft — Comelec | KANDIDATURA NI IMELDA MARCOS, TULOY


KAHIT convic­ted sa kasong graft sa Sandi­ganayan, hindi pa rin madi­diskuwalipika sa May 2019 National and Local Elections (NLE) ang dating unang ginang at nga­yo’y Ilocos Norte Represen­tative Imelda Romualdez Marcos.

Ang paglilinaw ay gi­nawa ng Commission on Elections (Comelec) kasu­nod ng kuwestiyon ng singer na si Leah Navarro ng Black and White Movement kung ano na ang mangyayari ngayon sa kumakandidatong si Marcos ngayong na-convict siya ng Sandigan­bayan sa pi­tong bilang ng kasong graft.

Matatandaang, kakan­didato bilang gobernador sa darating na halalan si Marcos.

Paliwanag ni Comelec Spokesperson James Jime­nez, ito ay dahil hindi pa na­man pinal ang conviction kay Marcos.

Kaya naman hindi pa ito maaaring gamitin upang dis­kuwalipikahin ang kan­yang kandidatura.

Nauna rito, sa desisyon ng Sandi­ganbayan 5th Division, na­patunayang guilty si Marcos sa pitong bilang ng kasong paglabag sa Anti-Graft and Corrupt Practices Act at si­nentensiyahang makulong ng anim hanggang labing-isang taon para sa bawat bilang ng kaso.

Hindi dinaluhan ni Mar­cos ang promulgation ng korte sa kanyang kaso.

Maliban sa hatol na pag­kakakulong, diniskuwalipika rin siya ng Sandiganbayan sa pag-upo at paghawak sa anu­mang puwesto sa gob­yerno.

Sa reklamo na unang inihain noong 1991, kabilang sa mga akusasyon kay Mar­cos ang pagkakaroon ng interest at partisipasyon sa ilang non-government orga­nizations sa Switzerland mula 1978 hanggang 1984.

Kabilang sa mga orga­nisasyon ay ang mga sumu­sunod:

Vibur Foundation, Ma­ler Establishment, Tri­nidad Foundation, Rayby Foun­dation, Palmy Foundation, Aguamina Foundation at Avertina Foundation.

Inakusahan din ng Om­budsman si Marcos ng pag­lilipat ng ill-gotten wealth na nagkakahalaga ng halos $30 million patungo sa isang French Bank, gayung wala pang $1 milyon ang idinek­lara niyang lawful income noong 1965 hanggang 1985.

Kaugnay nito, ipinaa­aresto na rin ng Sandigan­bayan si Marcos matapos kan­selahin ang bail bond na nauna nang inilagak nito nang isampa sa kanya ang mga kaso.

Gayunman, ayon kay Assistant Special Prose­cutor Rey Quilala, maaaring ma-lift o mabawi ang arrest order sa dating unang ginang dahil hindi pa naman pinal ang con­viction sa kanya. Ani Qui­lala, maaari pang maghain ng apela si Marcos.

Batay sa procedure, pi­na­payagan ng Sandiganba­yan ang provisional liberty ng convicted na indibidwal habang nakabimbin ang apela. Iginiit ng Malacañang na ang hatol kay Marcos ay patunay na may umiiral na justice system sa bansa. Ayon kay Presi­dential Spokes­­man Salvador Pane­lo, magsisilbing paalala at babala sa lahat ng mga nasa gobyerno na mayroon silang pananagutan sa taumbayan na pinaglilingkuran.

20 views0 comments
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.