Search
  • Anj Cabilla

Ibinulgar ng 3 Ms. Earth candidates… SEX PALIT KORONA


LAKAS-loob na inilantad ng tatlong kandidata ng Ms. Earth 2018 ang sexual harassment na naranasan nila sa kamay ng isang sponsor ng nabanggit na international beauty pageant na ginanap sa ating bansa kama­kailan lang.

Nauna nang nagsalita si Miss Earth-Canada Jaime Vandenberg na hindi ipi­nag­patuloy ang competition dahil sa pa­ngamba sa kanyang kaligtasan matapos ang insidente. Giit nito, pangalawang araw pa lang daw niya sa Pilipinas nang ma-experience ang pangha-harass ng isang sponsor. Inilahad niya na nakuha raw ng sponsor ang kanyang personal num­ber at paulit-ulit na tumatawag para itanong kung saang hotel siya naka-check-in at kung ano ang room number niya.

Pero, hindi rito natapos ang pangha-harass dahil sinabi rin daw ng hindi niya pinangalanang sponsor na tutulu­ngan siya nito sa competition kung pag­bibig­yan niya ng hinihingi nitong sexual favors.

Sey ni Miss Earth-Canada, “He showed up to almost all of my events telling me he could take care of my needs and asked for sexual favors in exchange to get me further in the pageant. I was disgusted.”

Dahil dito, lumabas na rin ang dala­wang kandidata ng Miss Earth 2018 na nakaranas din ng sexual harassment sa sponsor na ito.

Sa Instagram nag-post ng kanilang experience sina Miss Earth-England Abbey-Anne Gyles-Brown and Miss Earth-Guam Emma Mae Sheedy.

Sa IG post ni Miss Earth-Guam, inilahad niya ang naranasang sexual harassment sa kamay ng sponsor na pina­ngalanan niyang si Amado S. Cruz na mula sa Manila Yacht Club.

Aniya, “I enjoyed a majority of the pageant, but what I did not know, is that a specific sponsor from the Manila Yacht Club would change the way I see pageantry and sponsors.

“The sponsor who’s name is Amado S. Cruz became a problem for many of the delegates, including myself.”

Idinetalye rin ni Ms. Sheedy ang harassment na naranasan sa kamay ni Cruz.

Aniya, “To focus on ONLY myself, I was pulled aside multiple times to be invited to Boracay, private islands and into his house and insisted that I and the latino women dance for him.

“Amado S. Cruz grabbed my bare backside at the National Costume Competition where I was able to push him away, but he consistently told me not to tell anyone about any of the instances.”

Ayon naman sa post ni Miss-Earth-England sa kanyang Instagram account, hati ang pakiramdam niya dahil sa karanasan sa pageant.

Aniya, “I enjoyed 50% of my trip but the other 50% was over shadowed by feeling exploited, vulnerable, unnerved & sexually harassed as I was approached by a sponsor on many occasions who asked for sexual favours in exchange for the Crown.”

Ayon din kay Miss Earth-England, nangyari ang harassment sa Manila Yacht Club.

Kagaya ng karanasan ni Miss Earth-Canada, tinatawagan din daw siya ng sponsor at inaalam kung saang hotel siya naka-check-in at kung ano ang kan­yang room number.

Sa ulat ng GMA News, itinang­gi ni Lorraine Schuck, event organizer ng Ms. Earth, ang mga sinabi ni Miss Canda.

Pahayag niya, “Si Canada ‘yung pinost niya, lahat ‘yun mali.

“Kung sino yung kinomplain niya hindi na niya nakikita, pero siyem­pre sometimes pag medyo nasa pub­liko ang mga babae, mahirap kon­tro­lin, e.

“Iba kasi ang Miss Earth…. Kaila­ngan nasa tao kami, ‘di ba, yung environment activities, or makipagkuwen­tu­han sa tingin mong puwedeng tumu­long.”

Dagdag pa niya, “Pero minsan, merong mga uncontrollable incidents, na mga maldito.”

Dahil sa mga nabulgar, hindi kaya tuluyan nang mabahiran ang imahe ng Miss Earth?

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.