Feeling confused dahil dehins knows kung magiging praktikal o passionate sa buhay

Dear Roma,

Ako si Jay, 26 years old at graduate ng kur­song BS Nursing. Halos tatlong taon na akong gra­duate at may lisensiya na rin ako bilang nurse. Na­kapagtrabaho na rin ako sa isang pampubli­kong ospital dito sa Pili­pi­nas, ngunit, sobrang liit ng suweldo ko, kaya min­san ay naso-short ang budget namin. Napagde­sis­yunan kong mag-re­sign, kaya ngayon ay nag­tatrabaho ako bilang ma­nager sa isang fastfood chain. Kun­tento na ako dahil naka­kayanang tus­tusan ng suweldo ko ang panga­ngailangan ng a­ming pa­milya, pero alam kong hin­di ito ang gusto kong gawin. Balak ko sa­nang mag-resign na at mag-abroad na lang dahil doon ay in-demand ang mga nurse. Anong maipa­payo ninyo sa akin, Roma? Ma­raming salamat! — Jay

Jay,

Pag-isipan mong mabuti ang iyong magiging desis­yon dahil hindi madali ang bumitaw sa trabaho na ka­salukuyang bumubuhay sa pamilya mo. Ngunit, kung ang pagbalik mo sa pagiging nurse ang talagang gusto mo, eh, sundin mo ‘yun, bas­ta siguraduhin mo lang na sapat ang magiging su­weldo mo nang sa gayun ay hindi ka na masyadong mag-alala pa sa pinansiyal na panga­nga­ilangan ninyo ng pamilya mo. Mainam kung makiki­pag­sapalaran ka dahil tiyak na mas malaki ang kikitain mong pera sa ibang bansa. Good luck at God bless!