Mag-asawa niratrat ng riding-in-tandem

DEDO ang 57-anyos na encoder ng Registry of Deeds habang kritikal naman ang kanyang asawa matapos pagbabarilin ng riding-in-tan­dem sa Valenzuela City, ka­hapon ng umaga.

Dead-on-the spot sanhi ng tinamong mga tama ng bala sa katawan si Emiliano Matias Denilla ng Bgy. Big­nay, habang ang kanyang misis na nagtatrabaho rin bilang encoder ng Registry of Deeds sa Meycauayan, Bu­lacan ay patuloy na gina­gamot sanhi ng tama ng bala sa katawan.

Ayon kay Valenzuela Police Chief Sr. Supt. David Nicolas Poklay, alas-7:30 ng umaga nang pagbabarilin ng dalawang hin­di kilalang mga suspek na sakay ng motor­siklo ang mag-asawa ilang metro ang layo mula sa kani­lang bahay.

Sinabi ni Sr. Supt. Poklay na ang na­sawing biktima ay hindi empleyado ng local go­vernment dahil ang Re­gistry of Deeds ay nasa ila­lim ng administrative super­vision and control ng Land Re­gis­tra­tion Authority (LRA), isang ahensiya na naka-attach sa De­partment of Justice. (DOJ).

Patuloy naman ang fol­low-up operation ng mga pulis upang matukoy ang pagka­ka­kilanlan ng mga sus­pek at maaresto habang ina­alam pa ang motibo sa insi­dente.