Bag naiwan sa restoran, binalikan | BABAE TIMBOG SA DRUGS

NABISTO sa loob ng pouch ng babaeng massage therapist ang umano’y iligal na droga at drug parapher­nalia sa naiwang pouch sa loob ng restoran sa Makati City.

Nasa kostudiya ng Ma­kati City Police ang suspek na si Sandra Mirasol, 32, ng Dalig, Cardona, Rizal.

Nagsilbing complainant naman si Jay-Ar Cmesario, 28, binata, team member ng Kenny Rogers.

Sa ulat na natanggap ni SPD Supt. Jenny Tecson, na­ganap ang insidente sa loob ng restoran sa pagitan ng alas-11:00 ng gabi hanggang alas-12:00 ng hatinggabi.

Sa imbestigasyon, nai­wan umano ni Mirasol ang kanyang itim at gold pouch sa loob ng restoran kaya agad na itinurnover sa gu­wardiya alinsunod sa pro­tocol, dito sinuri at nadis­kubreng nag­lalaman ito ng aluminum foil strip, selyadong pakete na umano’y shabu at dalawang disposable lighters.

Agad namang ipinaba­tid sa tanggapan ng Police Community Precinct (PCP-6) ang nasabing insidente.

Binalikan ng ba­bae ang naiwang pouch at dito na siya hinuli ng mga pulis.