Problemado sa iskul | ESTUDYANTE NAG-SUICIDE

“PATAWAD mama and papa, patawad po sa lahat, love na love ko po kayo, thank you po sa lahat, sorry kung na­gawa kong tapusin ang aking buhay, I love you, sorry, thank you”.

Ito ang nakasaad sa suicide note na iniwan ng 17-anyos na estudyante mata­pos magbigti dahil umano sa problema sa paaralan sa Ca­loocan City, kahapon nang madaling-araw.

Kinilala ang biktima na si ‘Bernard’, Grade 12 stu­dent, na nadiskubre ng kan­yang tiyahin na si ‘Melly’ na nakabigti sa 5th floor ng kanilang bahay sa Bagum­bong, gamit ang nylon cord, ala-1:25 ng mada­ling-araw.

Sa pahayag sa pulisya ni ‘Melly’, nagising siya at hin­di niya nakita ang kanyang pamangkin sa kuwarto nito kaya umak­yat ito sa 5th floor at laking-gulat na la­mang nito nang madiskubre ang nakabig­ting katawan ng biktima.

Agad itong nagtungo sa kuwarto ng mga ma­gulang ng binatilyo.

Natagpuan ng rumes­pon­deng mga tauhan ng Caloocan City Police Com­­munity Precinct (PCP) 6 sa pangu­nguna nina PO1 Gian Carlo Semilla at PO1 Elmer dela Rose sa crime scene ang sui­cide note ng biktima sa ibabaw ng mesa sa 3rd floor ng bahay.

Ayon sa ama ng bik­tima, dumaranas ng dep­resyon ang kanyang anak dahil uma­no sa problema sa pa­aralan na hindi ti­nukoy.