Bahay ginawang drug den | COMMERCIAL MODEL, TIKLO SA DROGA

NASA kustodiya ng National Bureau of Inves­tigation (NBI) ang isang commercial model matapos masamsam ang hinihinalang party drugs at liquid ecstasy sa loob ng kanyang bahay sa isang exclusive subdivision kamakalawa ng gabi sa Min­danao Ave., Quezon City.

Isinagawa ang pagsala­kay sa bahay ng suspek na si Zuher Bautista, sa bisa ng search warrant na inilabas ni Judge Virgilio Macaraig ng Manila Regional Trial Court Branch 37, alas-10:00 ng gabi.

Una rito, nagsagawa umano ng surveillance ang NBI kaya nalaman na gi­na­gawang drug den ang bahay ni Bautista kung saan sa mismong kuwarto nito gina­gawa ang drug session.

Nadiskubre ng mga ahente ng NBI sa lagayan ng mga candy, ang ilang tableta na hinihinalang party drugs.

Habang nakalagay na­man sa iba’t ibang botelya ang hinihinalang liquid ecs­tasy.

Batay sa imbestigasyon, mga kabataan at kapwa modelo ang madalas uma­nong kasama ni Bautista.

Itinanggi naman ng sus­pek ang mga nakuhang droga at matagal na umano nang huli siyang gumamit.

Inamin ni Bautista na mahilig siyang mag-party pero, hindi umano nila trip ang pagdodroga.

Inimbitahan din ng NBI ang mga kaibigan ni Bautista na naabutang kasama niya nang isagawa ang raid.