Sundalo todas sa NPA

ISANG sundalo ang na­patay matapos makasagupa ang hindi pa mabilang na miyembro ng New People’s Army Terrorist Group sa Sitio Dadyangao, Bgy. Umi­ray, Gen. Nakar, Quezon.

Ayon sa tagapagsalita ng mga sundalo, alas-10:40 ng umaga, habang nagpa­pat­rulya ang kanilang tropa ng 92nd Philippine Army, nang maispatan nila ang hindi pa mabilang na miyembro ng mga rebelde.

Nagkaroon ng barilan na tumagal ng halos 20 minuto.

Nasapol sa labanan si Pvt. James Lanes, saka tu­makas ang mga rebelde pa­tungo sa bulubundukin ng Sierra Madre.

Nagpapatuloy ang pag­tugis ng tropa ng gobyerno sa mga nagsitakas habang inaalam din kung may na­sawi sa kanilang panig o na­sugatan.