Nagkukunwaring pintor, magnanakaw pala!

JUN R. GUILLERMO / MODUS OPERANDI PINOY ISTAYL

MGA ka-Bulgar, nata­pos na ang paggunita ng pista ng mga santo at pista ng mga kaluluwa kaya abot-tainga ang ngiti ng mga demon­yong ito dahil muli si­lang nakapambiktima tulad ng mga isnatser, mandurukot at akyat-bahay.

Ito-throwback natin ang mga pangyayari noong Undas dahil po­sible itong muling mang­yari sa susunod na mga araw dahil walang pini­piling oras at araw ang mga halang ang kalulu­wa sa paggawa ng kri­men.

Alam n’yo ba mga suki na ang mga isnat­ser ay nagkukunwari ring dumadalaw sa mga sementeryo hindi para magdasal sa kanilang mga patay kundi nag­ma­manman lang sa kung sino ang posible nilang mabiktima?

Gayundin, ang mga mandurukot na sumasa­bay sa buhos ng mga taong naglalakad na nag­kukunwaring kaki­la­la pero, kumu­kuha lamang ng tiyem­po pa­ra dukutan ang biktima.

Ang mga hinayupak na akyat-bahay ay naki­kisabay din sa mga nag­lalakad pero, ang mga ito ay pinag-aaralan ang mga dinaraanang bahay na kapag sa tantiya nila ay walang tao sa bahay ay saka nila ito sasala­kayin para pagna­ka­wan.

Ang mga pintor o artist na nagkukunwa­ring nagpipintura ng mga puntod pero, malilikot ang mga mata na nagmamanman kung sino ang nanakawan ng mga importanteng ga­mit tulad ng cellphone, pera, alahas at bag at kapag nagtagumpay ay agad nilang ipinapasa sa kasabwat na nagkukun­wari ring pintor at artist, pwe!

Gayunman, muli nating ibinahagi ang mga modus na ito para ma-educate ang publi­ko para makapag-ingat na rin at ma­alarma sa gani­tong mga pangya­yari na ang nagdurusa ay ang taumbayan.

Ikaw kaibigan, anong sey mo?

Laging tatandaan, walang maloloko kung walang magpapaloko!

Ligtas ang may alam!

Kaya ikaw, ako, tayo… mag-ingat!