Lalaki niratrat ng kalugar

PINAGBABARIL hanggang sa mapatay ang 35-anyos na binata ng kan­yang kapwa magsasaka sa Sitio Buhay, Bgy. Butucan, Na­sugbu, Batangas.

Kinilala ang biktima na si Leo Gonzales, habang ang suspek ay si Cenon de Guz­man, 41, kapwa residente sa naturang lugar.

Batay sa imbestigasyon, pasado alas-11:00 ng gabi nang matagpuang duguan at wala ng buhay ang biktima na nakahandusay sa gilid ng kalsada.

Natukoy ang res­ponsable sa krimen base na­man sa nakakita ng pang­yayari.

Sa isinagawang follow-up operation ng mga awtori­dad, naaresto ang suspek at patuloy itong iniimbestiga­han.