Search
  • Madel Moratillo

Dagdag-sahod, aprub — DOLE | SAAN AABOT ANG P25 MO?


“HANGGANG saan aabot ang P25 ng manggagawa ng NCR sa taas ng presyo ng mga bilihin at pamasahe ngayon?” Ito ang hirit ni ACT Teachers Partylist Rep­re­sentative Antonio sa inaprubahang dag­­dag-sahod.

“This measly wage hike for one region will not be enough to compensate price hikes from TRAIN as workers all over the nation endure the price hikes of basic goods due to TRAIN 1. They are demanding for a P750 national minimum wage not loose change of P25,” dagdag pa nito.

Iginiit naman ni Associated Labor Union-Trade Union Congress of the Philippines Spokesperson Alan Tanjusay na hindi sapat ang nasabing halaga para tugunan ang pa­ngangailangan ng higit 3 milyong minimum wage earners sa Kalakhang Maynila.

Sa ngayon inihahanda na umano ng ALU-TUCP ang pa­ni­bagong apela para sa wage increase. Asahan din umano ang kilos-protesta mula sa kanila at mga kapwa labor group.

Nauna rito inaprubahan ng National Capital Region Wage Board ang P25 umento sa sahod ng mga minimum wage earner sa Metro Manila.

Ayon kay Labor Secre­tary Silvestre Bello, magiging epektibo ang pagpapatupad ng wage hike matapos ang 15 araw.

Dahil sa umento, magi­ging P537 na ang bagong daily minimum wage sa Metro Manila. Sinabi pa ni Bello na ka­sama na sa wage hike ang P10 na COLA o cost of li­ving allowance.

Ayon kay National Wages and Productivity Commission Executive Di­rector Criselda Sy, kasama sa ikinonsidera ng Board ay ang kapasidad ng mga em­ployer na magpatupad ng wage hike at ang kasaluku­yang ekonomiya.

“It is a potential source of second round inflatio­nary effect. Ibig sabihin po, kung ang inflation level natin ay 6.7 percent, mas maaari pong tumaas pa diyan,” pali­wanag ni Sy.

Kaugnay nito, may dag­dag-suweldo rin ang mga mini­mum wage earner sa Cagayan Valley. Ayon sa DOLE, may P10 na dagdag sa basic pay ang mga manggagawa sa Cagayan Valley at P10 na COLA.

Dahil dito, nasa P320 hanggang P360 na ang mi­nimum wage sa Cagayan Valley. Ang wage hike ay ma­layo sa hiling na P100 dagdag-sahod ng TUCP.

Ayon kay TUCP Spokes­person Alan Tanjusay, bar­yang-barya ang P25 increase na ito para sa mga malalaking negosyante.

Kahit isang kilong NFA rice ay hindi aniya kayang makabili ng P25 wage ad­justment na ito.

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.