Search
  • BULGAR

Puwesto ng video karera ginawang drug den, buwisit!

PABLO L. HERNANDEZ III / PRANGKAHAN

FAKE NEWS NG DDS SA MGA KALA­BAN SA POLITIKA NG DUTERTE GOV’T., HINDI NA U­UBRA—Sa survey ng Pulse Asia, 88% daw ng mga Pi­noy ay aware o may kama­layan na tungkol sa fake news sa social media.

Aba, kung ganyan kara­ming Pinoy ang aware sa fake news sa social media, eh, tagilid pala sa eleksiyon next year ang mga kandidato ni P-Duterte?

Si P-Duterte kasi kaya nanalo noong presidential election ay dahil sa fake news ng mga DDS blogger na pabor sa kanya at fake news na banat sa mga kalaban niya sa eleksiyon kaya kung ngayon ay 88% ng mga Pinoy ay aware na sa fake news, tila hindi na uubra ang diskarteng fake news ng mga DDS para pabanguhin ang mga kandidato ng pa­ngulo at siraan ang mga ka­la­ban nila sa politika, period!

◘◘◘

ABSENT YATA SA ISKUL NOON SI SEN. JV NANG ITURO ANG MEANING NG RESPE­TA­DO—Sabi ni Sen. JV Ejercito, joke lang daw ‘yung pagmumura ni P-Duterte sa mga Katoliko at pagtawag na lasenggo ang mga santo dahil base raw sa kanyang ka­alaman ay respetadong Ka­toliko raw ang pangulo.

Ganu’n, si P-Duterte na wagas kung makapagmura sa Diyos, mga santo, pari at Katoliko, para kay Sen. JV ay respetadong Katoliko ito?

Tila yata, noong kabataan at nag-aaral pa si JV ay ab­sent siya nang ituro sa iskul ang kahulugan ng respetado kaya hanggang ngayon hin­di niya alam ang meaning nito, boom!

◘◘◘

PARANG ANG LINIS NG TINGIN NI SOTTO SA MGA MILITAR, GA­YONG MGA MILITAR, NALUSUTAN NG TONE-TONELADANG SHABU SA CUSTOMS?—Ang sabi ni Senate Pres. Vicente ‘Tito’ Sotto III, ang pani­ni­wala raw niya kaya isinaila­lim ni P-Duterte ang Bureau of Customs sa military con­trol ay para raw mawala na ang korupsiyon sa Adwana.

Parang ang linis-linis nang tingin ni Sen. Pres. Sotto sa mga military na parang hindi mga militar sina ret. Capt. Nicanor Faeldon at ret. Gen. Isidro Lapeña na kapwa na­sangkot sa puslitan ng tone-toneladang shabu sa Bureau of Customs, pwe!

◘◘◘

PUWESTO NG VK SA LAGUNA AT BA­TAN­GAS, GINAGAWANG DRUG DEN — Ginaga­wang drug den daw ng mga adik sa shabu ang puwesto ng mga video karera nina “Rico” sa Calamba City at Ca­buyao City kapwa sa La­guna at “Brigette” sa Batan­gas City at Lemery sa Ba­tangas. Kung totoo ito, aba, dapat ipa-”tokhang” na ni Laguna PNP Director Sr. Supt. John Kraft si “Rico” at ipa-”tokhang” na rin ni Ba­tangas PNP Director Edwin Quilates si “Brigette” kasi sobrang bad na ‘yan na pati ang puwesto ng mga video karera ay ginagawa ng drug den ng mga sugapa sa droga, buwisit!

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.