Pinasok ng akyat-bahay | LOLA PINATAY, INILAGAY SA REF

TADTAD ng saksak at naaagnas na nang matagpu­an sa loob ng refrigerator ang isang lola sa mismong bahay nito sa Bgy. Tabunok, Tali­say City, Cebu, kamaka­lawa.

Kinilala ang biktima na si Victoria Loa, 62-anyos.

Ayon kay Talisay City Po­lice Deputy Chief Inspec­tor Ardy Cabagnot, nitong Biyernes ay nai-report sa ka­nila ng mga kaanak ng bik­tima ang biglaang pagkawala nito.

Kasama pa umano na bu­misita ang biktima sa se­menteryo noong Nobyem­bre 1, ngunit, nang maihatid sa bahay nito ay hindi na nila na-contact at nakita pa.

At nitong Sabado ay bu­malik sa bahay ng biktima ang mga kaanak upang ha­napin ito ngunit, bumungad sa kanila ang umaalingasaw na mabahong amoy.

Binuksan nila ang refri­gerator at dito tumambad ang bangkay ng kanilang lola.

Isa sa mga vault ng ma­tanda ang sapilitang binuk­san kaya tinitingnan ng mga awtoridad ang anggulo ng pagnanakaw.

May natukoy nang per­sons of interest ang mga pulis at ikinakasa na ang follow-up operation laban sa mga suspek.