Magnitude 6 yumanig sa Lanao del Sur

NASA Magnitude 6.0 na lindol ang tumama sa Ba­lindong, Lanao del Sur, kahapon.

Batay sa earthquake in­formation number 2 na ini­labas ng Phivolcs, na­ga­nap ang pagyanig alas-3:55 ng hapon. Naitala ang episentro ng lindol sa 1 kilometro hila­gang-kanluran ng nabanggit na bayan.

May lalim ang pagyanig na 617 kilometro at tectonic ang pinagmulan.

Walang naitatalang in­tensity ang lindol.

Paglilinaw ng Phivolcs, taliwas sa kanilang naunang earthquake advi­sory, hindi magdudulot ng aftershocks ang lindol at wala ring ina­asahang pagkasira sa mga ari-arian dahil dito.