BURNETT, NAGRETIRO NA, NA- INJURED PA, KAY DONAIRE ANG WBA BANTAMWEIGHT TITLE

PUWERSAHAN nang magreretiro si Ryan Burnett dahil na rin sa tinamong back injury sa round 4 laban kay Nonito “The Filipino Flash” Donaire kahapon sa WBSS World Boxing Super Series.

Awtomatiko namang nasungkit ng Filipino-American ang WBA bantamweight nang magpasya na ang team ni Burnett at ang kanyang corner habang nakaupo pa ang kanilang fighter sa stool na tapusin na ang bakbakan.

Sumusu­god pa at sumu­suntok si Burnett sa gitna ng ring nang bigla niyang tinutop sa sakit ang kaliwang bahagi ng kanyang likuran. Sa matin­ding sakit na nararamdaman, sumenyas na si Burnett nang pag-ayaw sa laban bago pa pumasok ang 5th round.

Lalarga na sa susunod si Donaire sa semifinal ng World Boxing Super Series. Agad namang nagpahatid ng kanyang mensahe sa Twitter si dating British light-heavyweight champion Frank Buglioni dahil sa pagkaawa nang matalo si Burnett at maaga itong umeksit sa bakbakan. “Gutted for Burnett. He was looking fantastic. Sad ending to a great fight. Donaire showing real class with his compassion and lack of celebration.”

Agad na inalis sa ibabaw ng ring si Burnett at isinakay sa stretcher upang maiwasan pa ang iba pang matatamong injury. Sa pagsasalita niya makaraan ang laban, puno ng papuri si Donaire sa kanyang mandirigmang kasagupa. “As a warrior, Burnett is an amazing fighter, early on he just kept coming at me. A win is a win and it wasn’t the way I would like to win but he’s an amazing fighter. Age is nothing but a number. He was fast, strong and caught me with some good punches. I came into this fight as the bigger guy and my coaches snapped me out of it and told me to box.” (MC)