Search
  • BULGAR

Pagbanat ni P-Duterte sa Simbahan, taktika para mailihis ang problema sa drugs, taas-presyo at korup

PABLO L. HERNANDEZ III / PRANGKAHAN

PAGMUMURA SA MGA KATO­LIKO, ‘DIVERSIONARY TACTICS NI P-DUTERTE SA INFLATION, TONE-TONELADANG SHABU AT KORUP­SIYON? — Sa dinami-rami ng mga isyung puwedeng gamitin ni P-Duterte para mailihis ang atensiyon ng publiko sa high inflation, puslitan ng tone-tone­ladang shabu at korupsiyon sa kanyang gobyerno, eh, ang ginawa niyang ‘diver­sionary tactics’ ay sabihang tarantado at nag-“P.I.” pa sa mga Katoliko dahil nag­papaniwala raw ang mga ito sa mga santo.

Ganyan ka-bad ang pangulo ng Pilipinas, boom!

◘◘◘

KATOLIKO, HINDI KAYANG PA­BAGSAKIN NI P-DUTERTE — Kahit anong uri ng paninira at pang-aali­pustang gawin ni P-Duterte sa Diyos, santo, Simbahan at mga Katoliko ay hindi niya kayang tibagin o pabagsakin ang relihiyong Katoliko.

Sa nakalipas na maraming taon ay marami na ang nanira at naghangad na ibagsak ang relihiyong Katoliko, pero hanggang ngayon ay nananatiling na­katindig ito.

Kaya kung ang tulad ni P-Duterte na kinikilala raw ngayon bilang presiden­teng anti-Christ ang maghahangad na ibag­sak ang Catholic religion, malabo si­yang magtagumpay kasi mas importante pa rin sa mga Katoliko ang pananampa­la­taya sa Diyos kaysa mga pulitikong asal-demonyo, period!

◘◘◘

KAPAG ANG PANGULO AY ‘TAX NANG TAX’, SIGURADONG A AT­RAS ANG MGA NEGOSYANTE — Base sa data ng World Bank (WB) “Ease of Doing Business”, bumagsak ang ran­king ng Pilipinas sa pang-124 puwesto sa mga bansa sa mundo na mahirap paglagakan ng negosyo.

Ang isa sa basehan ng WB na bad paglagakan ng negosyo ang Pilipinas ay sa dami raw kasi ng mga dagdag-tax na ipinapataw ng gobyerno sa mga nais mag­negosyo sa bansa.

Iyan ang bad kapag ang pangulo ay “utak-dagdag tax” kasi ang resbak d’yan ng mga foreign investor ay ang pag-atras sa pagnenegosyo sa Pilipinas, boom!

◘◘◘

MAYOR OLIVAREZ, ‘NGANGA’ SA RAKET NI ‘JOJO’— Hindi pa rin daw naglulubay ang tropa ni alyas “Jojo” sa pangongotong sa mga pobreng vendor sa Baclaran, Parañaque City.

O, ano, Mayor Edwin Olivarez, “nga­nga” ka na lang ba palagi sa raket ni “Jojo”? Aba, aksiyon na at ipa-“tok­hang” mo na si “Jojo” para matigil na ang pa­ngongotong nito sa mga vendor sa ju­risdiction mo, dali!

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.