Search
  • BULGAR

May malalang sakit — Simbahan | P-DUTERTE, IPAGDASAL NATIN


NANAWAGAN si Ca­tholic Bishops’ Conference of the Philippines (CBCP) Vice-President at Caloocan Bishop Pablo Virgilio David sa mga Pilipino na ipana­langin si Pangulong Rodrigo Duterte.

Ito ay matapos kutyain ng pangulo ang mga santo sa kasagsagan ng All Saints’ Day kung saan tinawag niya ang mga ito na tarantado at la­senggo.

Sa isang Facebook post, hinimok ni Bishop David ang bawat isa na ipanalangin ang pangulo na kanyang inilara­wang ‘very sick man’.

Iginiit naman ng Obispo na walang bago sa pangu­ngutya sa mga santo dahil ang pagiging Kristi­yano aniya ay pagiging handa rin na matawag na mang­mang para kay Kristo tulad ng si­nabi ni San Pablo sa kanyang Unang Sulat para sa mga taga-Corinto.

Aniya, maging si San Juan Bautista ay tinawag na sinasapian ng demonyo.

Samantala, aniya, itinuro ng Panginoong Hesus sa mga Kristiyano na maging mahabagin sa mga may sakit.

“I think it should ob­vious to people by now that our country is being led by a very sick man. We pray for him. We pray for our country,” ani David. (BRT)

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.