Preso nagbaril sa ulo

ISANG bilanggo ang nagbaril sa sarili gamit ang service firearm ng isang pulis sa Dagupan City.

Sa isang panayam kay C/Insp. Ador Tayag, na­ganap umano ang in­si­dente mata­pos saman­talahin ng de­tainee na si Rodulfo Rivera ang pag­kakataon habang iniaabot ni PO1 Jessa Mae Ga­garin, desk officer ng Asi­ngan PNP, ang baon na pagkain ng kaanak ng isa pang detainee na si Sam­my Orallo.

Sinubukan pa uma­nong kausapin ng mga pulis si Rivera subalit, hindi na ito napakalma pa at tuluyan nang nagbaril sa kanyang ulo na dahilan ng agaran nitong kama­tayan.

Nabatid na si Rivera ay nahaharap sa kasong ho­micide dahil sa umano’y pagpatay sa kanyang bayaw. (BRT)