Imbes mga santo | AKO ANG SAMBAHIN N‘YO!

KINUTYA ni Pangulong Rodrigo Duterte ang pag­gunita ng mga Katoliko sa mga santo makaraang mu­rahin at tawaging ‘lasenggo’’.

Ito ay ilang oras lamang matapos ilabas ng Pa­lasyo ang kanyang official mes­sages para sa Undas kung saan hi­nimok niya ang mga Pilipino na tula­ran ang mga halim­bawa ng mga santo.

Sa isinagawang Post-Disaster Command Confe­rence sa Cauayan, Isabela na pinangunahan ni P-Du­terte, kinuwestiyon ng pangulo ang pagkaka­roon ng All Saints’ at All Souls’ Day ng mga Katoliko at tinawag ang mga ito na ‘tarantado’.

“Sabagay itong t****** talaga itong mga Katolikong p***. Bakit naman may All Souls’ Day tapos may All Saints’ Day?” ani Duterte.

“Hindi nga natin alam kung sino ‘yang mga santo na ‘yon. Sino ‘yung mga g*** na ‘yon? Mga laseng­go,” hirit pa ng pangulo.

Muling nagbiro pa si Duterte na siya na lamang ang gawing patron ng mga Pilipino bilang si Santo Rod­rigo at ilagay ang kanyang larawan sa altar.

“Dito na lang kayo. I’ll give you one pat — ah isang patron na ano para hindi na kayo magpasyal. Get hold of a picture of mine. ‘Yan ang ilagay niyo sa altar — Santo Rodrigo,” biro ng pa­ngulo.

Matatandaang, una nang tinawag ng pangulo na istu­pido ang Diyos.