Hirit ni P-Duterte, picture niya, ilagay sa altar at sambahin, ngek!

PABLO L. HERNANDEZ III / PRANGKAHAN

WALANG KATAPUSANG BA­NAT NI P-DUTERTE SA DIYOS, MGA SANTO AT KATOLIKO —Tila wala nang katapusan ang mga pang-aalipusta at pagmumura ni P-Duterte sa Diyos, mga santo at Simbahang-Kato­lika, dahil sa kanyang “Undas message” ay bukod sa tinawag na nitong “tarantado” ay nag-“P.I.” pa ito sa mga Katoliko dahil ang mga santo raw ng mga ito ay mga la­senggo.

Ang matindi, sinundan pa ito ng pang-aasar ni P-Duterte sa mga Katoliko nang sabihin na ang litrato niya na tinawag ni­yang “Santo Rodrigo” ang ilagay sa altar para sambahin ng mga Katoliko, buwisit!

◘◘◘

KAPARTIDO SA PDP-LABAN TABLADO; KASI SI CAYETANO NG NP, SUPORTADO NI P-DUTERE —Dumalo si P-Duterte sa birthday ni ex-DFA Sec. Alan Peter Cayetano noong Oct. 28, 2018 at sa harap ng mga bisita ay iti­naas ng pangulo ang kamay nito bilang tanda na ito ang “manok” niya sa pagka-kongresista ng 1st Dist. ng Ta­guig City.

Dahil diyan, malamang naghihimutok sa inis si PDP-Laban Congressional candidate Alan Cerafica kasi imbes na siya ang suportahan ni P-Duterte dahil magkapartido sila, eh, ang kalaban ni­yang si Cayetano ng Nacionalista Party (NP) ang deklaradong susuportahan ng pa­ngulo sa pagka-kongresista ng Taguig, boom!

◘◘◘

CAYETANO, NEXT KAY GMA SA PAGIGING SPEAKER? ABA­NGAN! — Nang mag-resign si Alan Pe­ter Caye­tano bilang DFA sec., sinabi ni­tong mis­mong si P-Duterte raw ang nag­sabi sa kanyang kumandidato ito sa pag­ka-kon­gresista sa Taguig dahil siya raw ang gusto ng pangulo na maging House Speaker bilang kapalit ni Speaker Gloria Macapagal-Arroyo na matatapos na ang termino.

Sana, ang sinabing ‘yan ni Cayetano ay tinandaan ni Cerafica para hindi na siya umaasa ng suporta mula sa pa­ngulo.

Ang sakit kaya na ang makatutung­gali niya ay pinuri-puri ni P-Duterte na maganda raw ang nagawang reporma sa DFA, sabay taas sa kamay ni Cayetano na ito ang “manok” niya sa pagka-kon­gresista ng Taguig City at hindi ang ka­par­tido niyang si Cerafica, aray!

◘◘◘

KAILAN IPATO-’TOKHANG’ NI GUERRERO ANG MGA BE­BOT NA SMUGGLER SA BUREAU OF CUS­TOMS? — Kahit si ret. AFP Chief Gen. Rey Leonardo ‘Jagger’ Guerrero na ang Bureau of Customs chief ay nama­mayagpag pa rin daw ang smuggling ope­ration sa BOC nina “Kimberly”, “Tina”, “Bebang” at “Big Mama”.

Kailan kaya ipato-”tokhang” ni BOC Commissioner Guerrero ang mga bebot na smuggler na ito? Abangan!