Search
  • BULGAR

BARRIGA SA 1ST WORLD TITLE, NIETES, BABANAT SA JAPAN


NANGAKO si Mark Bar­riga na sisikapin na niyang magwagi dahil min­san lamang manayari ito sa buhay niya bilang boksi­ngero.

Kauna-unahang world championship fight ito ng one-time Olympian kontra kay Carlos Licona para sa bakanteng International Boxing Federation mini-flyweight crown na idaraos sa Staples Center sa Los Angeles, U.S.A.

Ang Dis. 1 na laban ay magsisilbing undercard sa World Boxing Council hea­vyweight title match sa pagitan nina Deontay Wilder at Tyson Fury.

Sinabi ni Barriga sa Spin.ph na excited siya at medyo pressure sa kanyang pag-akyat at pagbanat sa big stage sa unang pagkakataon sa kanyang bata pang pro career. Ang 25-anyos na tubong Danao, Cebu ay walang talo sa kanyang 9 na laban (1 KO).

Samantala, sa isa pang bakbakan ng tatlong world division world champions, makikipagbangasan si longest reigning Filipino world champion Donnie ‘Ahas’ Nietes kay Kazuto Ioka ng Japan sa Dis. 31 sa Macau para sa bakanteng WBO world super flyweight title, ang proposed fight ay ‘unanimously approved’ na umano sa Panama ng WBO executive committee na lu­mabas sa Philboxing sa kasagsagan ng Ratings discussion sa third at final day sa idinaraos na 31st WBO Annual Convention sa iconic na El Panama Hotel.

Si Nietes, 36-anyos na ranked No. 1 ng WBO sa super flyweight division ay sumagupa kay No. 2 ranked fellow Filipino Aston Palicte sa bisa ng kontrobersiyal na draw noong Set. 8 sa The Forum sa Inglewood, California sa ‘Superfly 3’ card kung saan nakita ng marami na si Nietes ang nagwagi sa laban.

Si Ioka, 29-anyos ay ranked no. 3 ng WBO sa kanilang latest rankings ay sumagupa rin sa parehong card at dinomina si two-time world title challenger Mc­Williams Arroyo ng Puerto Rico nang magwagi sa unanimous decision. (MC)

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.