Parak binentahan | MISIS TIKLO SA DRUGS

ISANG misis na hini­hinalang tulak ng iligal na droga ang naaresto matapos magbenta ng shabu sa pulis sa buy-bust operation sa Ma­labon City.

Kinilala ni Malabon Po­lice Chief Sr. Supt. Jessie Tamayao ang suspek na si Baby Rose Jiongco, 39, ng Bgy. Hulong Duhat.

Sa imbestigasyon ni PO2 Ramos Timmago, alas-8:00 ng gabi nang mag­sa­gawa ng buy-bust operation ang SDEU at PCP-5 sa pangunguna nina PSI Johnny Baltan at P/Insp. Ferdinand Espiritu kontra sa suspek ma­lapit sa kanyang bahay.

Matapos iabot ng sus­pek ang isang plastic sachet ng shabu sa undercover po­lice poseur-buyer kapalit ng marked money ay agad lu­musob ang mga naka­anta­bay na operatiba at inaresto si Jiongco.

Walong plastic sachets na naglala­man ng hindi pa mabatid na halaga ng hinihi­nalang shabu at buy-bust money ang narekober ng mga operatiba mula sa sus­pek.