KONAKBAYEV NG KHAZAKSTAN AT RAKHIMOV, AGAWAN SA AIBA PREXY

NAGKAROON ng ba­hag­yang linaw ang ka­guluhan sa Association of Interna­tional Boxing (AI­BA) nang mula sa isang kandidato ay na­ging da­lawa na ang por­mal na ta­takbo pasa sa eleksyong pampangulu­han ng go­ver­ning body ng boksing nga­yong Nob­yembre 3 sa Mos­cow.

Idineklarang legal ng Court of Arbitration for Sports (CAS) ang kandi­da­tura ni Serik Konak­bayev ng Khazakstan bi­lang desisyon sa apila ni­tong pasalihin siya sa ha­lalan dahil hindi maitu­turing na atrasado ang kanyang pagsusumite ng application (Lunes siya nagfile dahil ang deadline ay pumatak sa araw ng Linggo). Dahil dito, mula sa pa­giging lone candi­date, maoobliga nang su­mabak kay Konakbayev, puno ng Asian Boxing Federa­tion at isang 1980 Mos­cow Olympics meda­list, si interim AIBA prexy Gafur Rakhimov ng Uz­be­kistan. Ang halalan ay ga­gana­pin habang tuma­tak­bo ang AIBA Con­gress.

Sinasabing si Rakhi­mov ay nasa sanction list ng United States Trea­sury Department dahil sa mga iregularidad kasama na ang diumano ay bahagi ng “organized crime”.

Nauna rito, nagbanta ang IOC na aalisin sa ek­sena ang AIBA kapag tu­mulak na ang 2020 Tokyo Olympics kung si Rak­himov ang pangulo ng AIBA. Sa kabila nito, binigyan ng IOC ng pag-asa ang mga boksingero sa pagsasabing hindi ma­aapektuhan ang kanilang Olympic dreams.

Anu’t-ano man ang mangyayari, siguradong na­­katutok sa magiging ka­­ganapan sa Moscow ang mga boxing associa­tions sa buong mundo kabilang na ang pangkat mula sa Pilipinas. Ang larangang ito ay isa sa mga regular na tagapag­bigay ng ka­rangalan sa bansa at lagi na lang ina­asahan sa mga bakbakan lalo na sa South East Asian Games, Asian Games at Olympics.