Dagdag-bawas sa pasahe gawing automatic—DOTr

INIHIRIT ng Depart­ment of Transportation (DOTr) na pag-aralang muli ng Land Transportation Fran­chising and Regulatory Board (LTFRB) ang inapru­bahan nitong dagdag na pa­masahe sa jeep.

Ayon kay DOTr Sec. Arthur Tugade, dapat ding pag-aralan ng LTFRB ang pagkakaroon ng formula na maaaring gawing automatic na lamang ang fare adjust­ment.

Inihalimbawa ni Tugade ang sinusunod na matrix sa aviation sector kung saan ang rate adjustments sa fuel surcharges ay base sa presyo ng kada bariles ng langis.

Aniya, sa ngayon, ang presyo ng pamasahe sa jeep at bus ay dumedepende sa mga petisyon para sa fare hike. (BRT)