Balasahan sa team Duterte

NAGLABAS na ng di­rektiba si Pa­ngu­long Rodri­go Duterte na layuning ipa­­tupad ang malawakang ba­lasahan sa Office of the Ca­binet Secretary (OCS).

Sa kanyang nilagdaang Executive Or­der (EO) 67, ibinalik ng pangulo ang da­ting pa­ngalan ng OCS sa ‘Cabinet Secretariat’.

Matatandaang, nagbitiw si Secretary Leon­cio ‘Jun’ Evasco bilang pinuno ng OCS upang tumakbo sa pag­ka-gober­nador ng Bohol. Inilipat sa ilang kagawa­ran ang panga­ngasiwa sa ilang ahensiya sa ilalim ng OCS.

Sa ilalim ng EO 67, ini­lipat na ang Tech­nical Edu­cation Skills and Develop­ment Authority at Coope­rative Develop­ment Au­tho­rity sa Department of Trade and Industry.

Ang National Commis­sion on Mus­lim Filipinos, Philippine Commission on Women at National Youth Commis­sion ay isinailalim na sa Department of the In­terior and Local Govern­ment.

Habang ang National Anti-Poverty Commission, National Commission on In­digenous People at Presi­dential Com­mission on the Urban Poor ay pamumu­nuan na ng Department of Social Welfare and Deve­lopment.

Binuwag na rin ni Pa­ngulong Duterte ang Office of Participatory Governance at Per­formance and Pro­jects Manage­ment Office.

Ang mga trabaho ng OPG at PPMO ay sa­saluhin ng DILG at Presidential Ma­nage­ment Staff.

Iginiit ng pangulo na ka­ilangan ang re­organiza­tion sa Office of the Presi­dent para sa mas maayos na pag­sasakatu­paran sa func­tions ng executive depart­ment.