2 tulak timbog sa sementeryo

KALABOSO ang dala­wang tulak matapos na­ki­pag-drug deal sa loob ng sementeryo na inaka­lang ligtas sa kapulisan sa mis­mong Araw ng mga Patay sa Bacoor City, Cavite.

Kinilala ni P/Supt. Vi­cente Cabatingan, ang mga suspek na sina Ros­tum Ba­rot, 37, construc­tion worker at Allan Ulita, 32, jeepney driver, kapwa residente ng Bgy. Molino 2, Bacoor City.

Alas-11:00 ng umaga nang ilatag ng Bacoor CPS at PDEA Cavite ang isang buy-bust operation sa loob ng St. Michael Ce­metery ma­­tapos ma­pag­ka­sun­duan ang drug deal ng pulis na nagpang­gap na bu­yer at ng mga sus­pek.

Nabatid na sa loob ng sementeryo palaging isi­nasa­gawa ng mga suspek ang transaksiyon para iwas sa huli.

Nakuha sa operasyon ang siyam na piraso ng plas­tic sachets na nagla­laman ng mga shabu.