Search
  • BULGAR

Misteryosong paglitaw ng mga pasa sa katawan, alamin!

SHANE M. LUDOVICE, M.D / SABI NI DOC

Doc. Shane,

Napansin ko na nag­kakapasa-pasa ako sa katawan, ga­yunman, hindi ako nauntog kaya nagta­taka ako kung paano ako nagkakaroon nito? Posible kayang dahil ito sa sakit ko sa dugo, ano kaya ang sanhi nito at paano ito gina­gamot? — Estela M.

Sagot

Ang pagkakaroon ng pasa ay kadalasang dahil sa pagtama ng bahagi ng katawan sa matigas na bagay na may puwersa. Dahil sa lakas ng pu­wersa ng pagtama, ang maliliit na ugat ng dugo sa ilalim ng balat ay maaaring pumutok at ang dugo na dumadaloy dito ay kakalat sa ilalim ng balat. Ang umagos na dugo sa ilalim ng balat ang siyang nagiging pasa.

Narito ang ilang mga dahilan:

  • Senile purpura — ito ay kondisyon na kalimitang nararanasan ng mga matatanda. Ito ay dahil sa pagrupok ng mga pader ng mga ugat ng dugo kasabay sa pagtanda ng katawan na nagreresulta sa mada­ling pagputok ng mga maninipis na ugat at pagkakaroon ng mga pasa. Bagaman, nakata­takot ang malalaking pasa na dulot nito, walang dapat ikabahala sapagkat hindi ito nagdudulot ng panganib sa kalusugan.

  • Epekto ng ini­inom na gamot — isa sa mga karaniwang side-effect ng mga gamot ang biglaang pagkakaroon ng pasa.

  • Karamdaman sa dugo — maaaring dahil ito sa simpleng kakula­ngan ng platelet sa dugo dahil sa malalang sakit na leukemia o kanser sa dugo.

  • Kakulangan ng Vitamin K — isang senyales ng kakulangan sa mahalagang bitami­nang ito ay ang madalas o madaling pagkaka­roon ng pasa saanmang parte ng katawan.

Gayunman, sa ibang mga pagkakataon, may mga pasa na bigla na lamang at misteryosong lumilitaw sa balat nang hindi natin nalalaman. Sa mga pagkakataong ito, makabubuting agad na magpatingin sa doktor.

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.