Mag-utol tiklo sa shabu

ARESTADO ang isang hinihinalang drug pusher at kanyang 17-anyos na kapa­tid ma­tapos maaktuhan ng mga pulis na nag-aabutan ng shabu sa Caloocan City.

Kinilala ang naaresto na si Redjhon dela Cruz, 25, at kanyang binatilyong kapa­tid, user at kapwa ng Bgy. 5.

Alas-9:20 ng umaga, nag­sasagawa ng detective beat patrol sa kahabaan ng Torres Bugallon St. ang mga miyembro ng Station Special Operation Unit sa pangu­nguna ni PSI Rammel Ebar­le nang mapansin ang mga sus­pek na nag-aabutan ng plas­tic sachet ng shabu sa harap mismo ng publiko.

Nang komprontahin, nagpulasan ang mga suspek na naging dahilan upang ha­bulin ng mga pulis hanggang sa makorner ang mga ito.

Narekober mula sa mga suspek ang pi­tong plastic sachets na naglalaman ng hindi pa mabatid na dami at halaga ng hinihinalang shabu at P300 cash.