3 anak sex slave ni tatay

KULONG ang isang ama na ginawa umanong ‘asawa’ ang kanyang tatlong anak matapos itong maaresto sa Imus, Cavite.

Pinangunahan ni Ins­pector Eliseo Santana ang pag-aresto sa suspek na si Isa­belo Adaoag, Jr., 48, cons­truction worker, re­si­dente ng Pasig City.

Hinuli si Ada­oag, alas-8:10 ka­ma­kalawa nang gabi sa Bgy. Bucandala IV, Imus, Ca­vite.

Napag-alaman na ina­buso nito ang kanyang anak na noo’y 13-anyos pa la­mang at hanggang nag-15 ay ginagahasa umano niya ito.

Hindi rin nakaligtas sa kamay ng suspek ang dalawa pa nitong anak na babae na ayaw namang magsampa ng reklamo. Ayon sa pulisya, tila hin­di mga tao ang turing ng suspek sa mga menor-de-edad na mga anak.