Alis kasi nang alis, binitawan na tuloy ng manager… AKTRES, 'DI PA NAMAN SENIOR CITIZEN, MAY CUT

BLIND ITEM:

Wala na palang manager ang isang aktres kaya sa kanya na dumidiretso ang nag-o-offer ng project. Maganda ito dahil wala nang kahati sa talent fee ang aktres at maka­kapag-demand siya ng gusto niya sa project na ino-offer sa kanya.

Hindi na nakatiis ang manager ng aktres dahil sa ugali niya na kapag malapit na ang cut-off niya sa taping, kahit may 30 minutes pang natitira before her cut-off, umaalis na siya kahit hindi pa tapos ang mga eksena niya. Nai­inis na sa kanya ang production ng soap dahil nasisira ang trabaho ng lahat.

Ang nakakapagtaka, bakit pumayag ang production at ang network na bigyan ng cut-off ang aktres gayung bata pa siya? Nasa early 50s pa lang ang edad ng aktres, kaya pa niyang mag-extend nang ilang oras sa taping, pero bakit may cut-off siya?