5 pulis na sangkot sa P11-B shabu smuggling, hawak na ng PNP

HAWAK na ng Philippine National Police-Criminal Investigation and Detection Group ang limang opisyal nito na itinuturong sangkot sa pagpupuslit ng P11 bilyong halaga ng shabu shipment sa Bureau of Customs.

Personal na inihayag ni PNP Chief Director General Oscar Albayalde ang pagsa­sailalim nila sa kustodiya sa limang police officials na sina Senior Supt. Leonardo Suan, Senior Supt. Lorenzo Bacia, Inspector Lito Pirote, Insp. Conrado Caragdag at SPO4 Alejandro Liwanag.

Nilinaw naman ni Alba­yalde na hindi pa arestado ang mga ito dahil ongoing pa ang imbestigasyon at malaya silang makakalabas-pasok sa Camp Crame kung kailan nila gusto, basta regular silang magre-report kay CIDG Director Chief Supt. Ruel Obusan.