Lalaking naadik sa computer games kaya napabayaan ang pag-aaral

Dear Roma,

Ako si Czian, 24 years old. Hindi ako nag-enroll ngayong semester dahil ayaw ng parents ko. Ka­salanan ko naman dahil nu’ng last sem ay bumag­sak ako sa lahat ng sub­jects ko dahil naadik ako sa paglalaro ng dota. Noong nalaman ng pa­rents ko na bagsak ako, nagalit sila at hindi ako pinag-enroll ngayong sem. Napag-usapan na rin daw nila ni papa na pansa­mantala muna ka­ming titira ng anim na buwan sa Canada. Sinu­bukan ko silang kausa­pin na bigyan nila ako ng chance na makapag-aral ulit, ang kaso mukhang buo na ang desisyon nila na lumipat muna kami. Roma, ano ba ang ma­ipapayo ninyo sa akin na puwede kong gawin para payagan nila ulit akong mag-aral? Maraming salamat! — Czian

Czian,

Sa ngayon, sumunod ka muna sa gusto ng mga magulang mo at ipa­kita mo sa kanila na nagsisisi ka na sa pagka­kamaling nagawa mo noon. Maipapayo namin sa iyo na kung bibigyan ka na ng pagkakataong makapag-aral muli, sigu­raduhin mo na gagawin mo ang lahat ng maka­kaya mo upang maipasa ang mga subject mo. Ma­buting mangako ka rin na hindi ka na muling ma­­aadik sa paglalaro ng dota at maglalaan ka ng oras sa iyong pag-aaral. Good luck sa iyo, Czian!