Lalaki bago binaril sa ulo, sigaw ng hired killer | BABAERO!

“BABAERO ‘yan!” Ito umano ang isinigaw ng hindi pa nakilalang gunman nang malapitang paputukan ng ba­ril ng dalawang ulit sa ulo ang 41-anyos na lalaki sa Quezon City.

Nakilala ang biktima na si Jake Ong, messenger ng electrobill at residente ng Bgy. San Agustin.

Ayon kay Police Insp. Nick Fontanilla, dead-on-the-spot ang biktima sanhi ng tinamong dalawang tama ng bala ng baril sa kanang pisngi at ulo.

Sa inisyal na report na nangyari ang kri­men alas-9:30 ng umaga ng Sa­bado sa isang karinderya sa Bgy. Kati­punan.

Nag-aalmusal ang biktima kasama ang dalawang kaibigan na sina Andrew Ramirez at Jay­rus Sara nang lapitan ng lalaki at mata­pos bitawan ang mga sa­litang, “Babaero ‘yan!”, saka binaril sa ulo si Ong.

Nang duguang bumu­lagta at masigu­rong patay na ang biktima ay tila walang nangyari na naglakad pala­bas ng karinderya ang sus­pek at sumakay sa kan­yang get­­away motorcycle.

Masusing iniimbestigahan pa ng pulisya kung ang suspek ay isang ‘hired killer’ o siya mismo ang inagawan ng babae ni Ong dahil sa binitiwan nitong pananalita bago binaril ang biktima.