BRILLIANCE SA PHILRACOM CUP

BAYANG karerista, malayo pa pero mas maganda kung pag-aaralan na agad natin kung sino ang ating pipiliin sa walong kabayong magbabantaan sa 2018 PHILRACOM, Ambassador Eduardo M. Cujuangco Jr. Cup.

Ilalarga ang nasabing prestihiyosong karera sa darating na Linggo sa Saddle & Clubs Leisure Park sa Naic, Cavite.

Bagama’t nominado pa lang ang mga tatakbong sina Brilliance, Hitting Spree, Pangalusian Island, She’s Incredible, Sky Dancer, Tin Drum, Truly Ponti at Und Kantar ay puwede na nating malaman kung sino ang angat sa laban.

Wala pang nakatokang hinete ang mga runners pero posibleng lahat ng nominado ay makasali sa event na nakataya ang P1.2M na premyo sa unang kabayong tatawid ng meta. Ang pili ko dyan eh Brilliance.

Kaya mga karerista abangan niyo mga trangko nila at mga laban baka makasilip kayo ng magandang dehado.

Good Luck!