Obama, Clinton pinadalhan ng bomba | PINOY SA U.S., ARESTADO

NAARESTO na ang nasa likod ng pagpap­a­dala ng bomba sa ilang mga pu­litiko at mga per­sonalidad sa Estados Unidos.

Naaresto ang 56-an­yos na suspek na si Cesar Altieri Sayoc sa parking lot ng isang shopping cen­ter sa Plan­ta­tion, Flo­rida.

Kinumpiska rin ang van ni Sayoc na balot ng mga political sticker.

Nabatid na may mga cri­minal record ang sus­pek na kasalukuyang na­ninirahan sa Aventura, Florida.

Kabilang sa umano’y mga kaso nito ay theft, fraud at bomb threat.

Nang suriin naman ang online record nito, may na­kalagay na ang kanyang tra­baho ay ang pagiging pro­moter at booking agent.

Inihayag din nito na may kaugnayan siya sa isang Col. Baltazar Zook Sayoc na kanya umanong lolo rito sa Pilipinas.

Sinasabi rin ng sus­pek na ang kanyang pa­milya ay kaanak ng mga kilalang tao na nagpapa­tayo ng mga ospital sa Pilipinas.

Natunton si Sayoc ng Federal Bureau of Investi­gation (FBI) nang suriin ang fingerprints sa pack­ages na ipinadala nito kay Congress­woman Mazine Waters.

Ilan sa mga pinadal­han ni Sayoc ng mga pack­age sina dating Pa­ngu­long Barack Obama, Hil­lary Clinton, John Bren­nan at ang aktor na si Robert De Niro.

Ang suspek ay naha­ha­rap sa 58 taon na pag­ka­bi­langgo at maaaring madag­dagan pa. (BRT)