Nagbebenta sa mall | SUNDALO TIKLO SA P1.3-M SHABU

ARESTADO ang isang discharge na miyembro ng Philippine Army at dala­wang kasama nito matapos mahulihan ng P1,360,000 halaga ng umano’y shabu at baril sa isang mall sa Para­ñaque City.

Ipinrisinta sa media ni NCRPO Director Guillermo Eleazar ang mga suspek na sina John Wyn Arnaiz alyas Bossing, na­tanggal bilang miyembro ng Phil. Army; Joseph Cabat­bat at Valentin Arnaiz.

Nagsagawa ng buy-bust operation ang mga operatiba ng Regional Special Opera­tions Unit (RSOU) at Regio­nal Drug Enforcement Unit (RDEU) laban kay ‘Bos­sing’, sa 4th level parking ng isang mall, alas-4:30 ng hapon.

Wala nang nagawa ang mga suspek nang posasan sila ng mga awtoridad ma­tapos umanong bentahan ng droga ang isang pulis na nag­silbing poseur-buyer.

Nakuha sa tatlong sus­pek ang apat na plastic bags na naglalaman ng umano’y shabu na tumitimbang ng halos 200 gramo na nagka­kahalaga ng P1.360 million, isang caliber .45 armscor with chamber na kargado ng pitong bala at bungkos ng boodle money.