Drugs taya sa sugal, 4 arestado

APAT na hinihinalang drug users ang naaresto ng mga pulis na nagsusugal habang ang taya umano ay shabu sa Caloocan City.

Kinilala ni Caloocan Po­lice Station Drug Enforce­ment Unit Head PCI Rengie Deimos ang mga naaresto na sina Jaime Torres, 50; Mar­celino Baligwag, 40; Domi­nador Esmillo, 43, at Joemar Carmona, 32.

Ayon kay PO1 Marius Andrew Mendoza, alas-7:30 ng gabi nang respondehan ng mga tauhan ng Police Community Precinct-2 ang sumbong ng isang concerned citizen hinggil sa nagaganap na illegal gambling sa kaha­baan ng Magtanggol St., Bgy. 29.

Pagdating sa lugar, na­kita ng mga pulis ang mga suspek na naglalaro ng cara y cruz kaya inaresto ang mga ito kung saan na­rekober ang 3 piso coins na gamit bilang pangara at 5 piraso ng P20 bill.

Nang kapkapan, nakum­piska sa mga suspek ang apat na plastic sachets na naglalaman ng hindi pa ma­tukoy na halaga ng hinihi­na­lang shabu.