Drug lords, front lang daw ng mismong awtoridad, saklap!
SIBAK na si Bureau of Customs Commissioner Isidro Lapeña.
Tagumpay ang drug traffickers.
◘◘◘
BATAY sa mga datos na lumalabas sa media at pagdinig sa Kongreso, ang mismong 3 opisyal ng BOC, PDEA at PNP ang umangkat ng P11 bilyong shabu.
O, paano ngayon ‘yan?
◘◘◘
WALANG drug lords, drug lords.
Front lamang sila ng mismong awtoridad.
Isang malungkot na katotohanan ‘yan.
◘◘◘
HINDI kasi puwedeng makalaya ang sindikato nang walang basbas ng awtoridad.
Simpleng sentido-komon lang ‘yan!
◘◘◘
ANG kalaban ni P-Digong sa giyera kontra droga ay mismong awtoridad na nasa pamahalaan.
Mahirap bang isipin ‘yan?
◘◘◘
SA gitna ng krisis sa ekonomiya, ang pagbebenta ng shabu sa kalye ay “source” na ikabubuhay ng mga nagdarahop.
Isang panibagong problema ito na hindi masosolusyunan ng pagpatay.
◘◘◘
ALAM na ngayon ni P-Digong na hindi malulutas ang droga kahit tatlong dekada siyang maupo sa Malacañang.
Ang kanyang kalaban ay nasa paligid lamang niya.
Tsk-tsk-tsk!
◘◘◘
PAANO na kapag nawala si P-Digong sa Malacañang?
Lalong magiging grabe ang illegal drugs.
Lalong magdarahop ang bansa!
Comments