Tanod, 5 pa huli | DRUG DEN SA TABI NG BAHAY NI KAPITANA, BUKING

SINALAKAY ng mga tauhan ng Station Drug En­forcement Unit at Special Weapons and Tactics (SWAT) ng Manila Police District Station 7 ang isang drug den sa Abad Santos, Tondo, Ma­nila.

Ang nasabing drug den ay katabi lamang ng bahay ng kapitana sa Bgy. 212 na si Carmelita Francisco.

Naaresto ang anim katao kabilang ang isang tanod sa naturang drug den matapos silang makuhanan ng walong sachets ng shabu at mga drug paraphernalia.

Napag-alaman sa report na matagal na umanong tam­bayan at batakan ng mga adik sa shabu ang lugar.

Gayunman, depensa ng kapitana, pinagsasabihan naman niya ang mga suspek na tigilan na ang masamang gawain.