Nanay at 2 anak dedbol sa sunog

PATAY na nang matag­puan sa loob ng nasunog ni­lang bahay ang isang ginang at dalawang paslit nitongmga anak sa Alfonso, Cavite, kamakalawa.

Kinilala ang mga nasawi na si Lovely Demillio Jas­sem, 26, anak na sina Rylai Lexi Jassem, 5, at Rijin Lex Jassem, isang taong gulang.

Ayon sa pamangkin ng biktima na si Ashley, 15, na na­­katira sa katabing kuwarto ng mga ito, nakita niya ban­dang alas-2:00 ng hapon na may usok na nagmumula sa silid ng mga biktima kaya kinalabog niya ito, pero hindi na mabuk­san ang pinto.

Base sa salaysay ng ina at lola ng mga biktima, alas-12:00 ng tanghali nang utusan niyang magluto ng itlog ang anak upang iulam dahil aalis umano siya at pu­punta sa fiesta.

Nabatid pa na hiwalay sa asawa ang ginang kaya wala ito nang maganap ang insi­dente.