3 huli sa aktong nagnanakaw | VENDOR TINADTAD, UTAS

PATAY ang isang 23-anyos na vendor matapos araruhin ng saksak ng tatlong suspek na una niyang naak­tuhang nagnanakaw ng kan­yang panindang damit, ka­hapon nang madaling-araw sa Divisoria, Tondo, Manila.

Dead-on-arrival sa Jus­tice Jose Abad Santos Ge­neral Hospital ang bikti­mang si Arnold dela Cruz.

Nakilala naman ang mga suspek sa mga alyas na ‘Is­mael’, ‘Marvin Ching’ at ‘Sadam’. Batay sa imbes­ti­gasyon ni PO3 Joel Jasa­reno, ala-1:55 ng madaling-araw nang maganap ang pa­nanaksak sa biktima.

Ayon kay Gladys Ane­da, live-in partner ng bik­tima, natutulog sila nang ma­alimpungatan at nakitang kinukuha ng tatlo ang ka­nilang mga paninda.

Isinauli ng mga ito ang damit pero ilang saglit pa lamang ang nakararaan ay bumalik ang tatlo at isa sa kanila ang umatake ng sak­sak sa biktima bago nagsita­kas.