Sinita sa illegal parking, MMDA tinakasan | LADY DRIVER, WANTED

Photo: fb/SandyBilan

PATUNG-PATONG na paglabag sa batas-tra­piko ang kahaharapin ng babaeng driver na tinakasan ang mga traffic enforcer na humuli sa kanya sa San Juan, noong Oktubre 19.

Ayon kay Celine Pialago, Spokesperson ng MMDA, pi­­naghahanap pa ang driver ng itim na Toyota Camry na may plakang UFQ-883.

Nag-viral sa social media ang nangyari na ini-upload sa Facebook ng mismong MMDA traffic enforcer na si Traffic Constable Sandy Bilan.

Sinita umano ni Bilan ang babaeng driver dahil sa iligal na pagparada pero, im­bes na huminto ay pinasibad nito ang sa­sakyan patungo sa Northeast Greenhills na hindi na inabutan.

Ayon kay Pialago, ini-re­port na nila sa tanggapan ng Land Transportation Office (LTO) upang matukoy ang pagkakakilanlan sa babaeng driver, pero sa inisyal na re­sulta ay nakarehistro ang sa­sakyan sa Garment District In­corporated, sa Sandoval, Pasig City.

Dahil dito, inirekomenda ni Pialago sa LTO na kan­selahin o suspendihin ang driver’s license ng babae dahil sa paglabag nito sa batas-trapiko.

Posibleng maharap ang babae sa mga kasong illegal par­king, obstruction, reck­less driving, direct assault, arrogant driving at diso­be­dience to person in autho­rity.

Bukod pa rito, pagmu­mul­tahin din ang driver sa mga ginawa nitong paglabag kapag nag-renew ito ng kan­yang lisensiya.