Customs commissioner kumambiyo, magnetic lifter may laman | P6.8-B SHABU, NAKALUSOT — LAPEÑA

MAKARAAN ang kan­­yang mga naunang pag­tanggi sa posibili­dad na may naka­lusot na droga sa Bu­reau of Cus­toms, big­lang nag-iba ang paha­yag ni Commis­sioner Isidro Lapeña.

Aniya, posibleng nakalu­sot ang droga na isinilid sa ilang magnetic lifters na nag­kakahalaga ng P6.8 billion.

“With the circumstantial evidence and testimonies, as an investigator, I will tend to believe na indeed may laman ‘yan sir,” tugon ni Lapeña sa tanong ng ilang mga kon­gresista. Gayunman, binig­yang-diin ng opisyal na walang lamang droga ang ilang magnetic lifters nang ito ay suriin ng mga tauhan ng PDEA sa Cavite.

Ito ay sa kabila ng pag-upo ng drug sniffing dogs ng PDEA sa tabi ng nasabing magnetic lifters.

Sa naturang pagdinig, ipinaliwanag din ni dating BOC X-ray project Chief Maria Lourdes Mangaoang na positibong may lamang droga ang nasabing mga magnetic lifter base sa kan­yang personal na pag-ana­lisa sa mga kuha ng x-ray film.

Bilang eksperto, alam umano niyang may itinatago sa loob ng nasa­bing mga kontrabando nang ito ay ipasok sa bansa.