Usapang lasing | KELOT TINODAS NI KUYA

SA kulungan bumag­sak ang isang lalaki makaraang saksakin ang kapatid nang magtalo sa gitna ng inuman sa Mandaluyong City.

Kinilala ni Senior Supt. Moises Villaceran, Jr., ang suspek na si Jonathan Al­baran, 25, at ang biktima na­man ay si John Paul, 23, laborer.

Naganap ang insidente, alas-8:00 ng umaga sa Blk. 40, Addition Hills, Manda­luyong City.

Bago ang insidente, du­mating ang magkapatid sa kanilang bahay na kapwa nakainom. Itinuloy nila ang inuman at inabot ng alas-6:00 ng umaga kung saan pareho na silang lango sa alak.

Ayon sa mga kamag-anak ng dalawa, nagkainitan ang mga ito sa hindi malamang dahilan hanggang sa mag­suntukan ngunit, sinaksak ng nakatatanda sa dibdib ang kapatid na siyang ikinama­tay nito.

Tumakas naman ang sus­pek ngunit, nahuli rin kaagad ng mga pulis maka­raang ituro ng mga nakakita kung saan ito nagtago.