SRP sa bigas, start na - DTI

IPATUTUPAD ngayong araw ang suggested retail price sa bigas na ibinebenta sa merkado, groceries at supermarket, ayon sa Department of Trade and Industry (DTI) at Department of Agriculture.

Ipatutupad na rin ang apat na klasipikasyon sa mga bigas tulad ng well milled rice, regular milled rice, premium rice at imported rice.

Gagawin ang hakbang upang maiwasan ang kalituhan sa pamimili ng iba’t ibang klase ng bigas tulad ng sinandomeng, jasmine rice at iba pang katawagan na gawa lamang ng mga negosyante ng bigas.

Ayon sa DTI at Department of Agriculture (DA), bahagyang bumaba ang presyo ng mga commercial rice sa pamilihan ng dalawa hanggang tatlong piso kada kilo, bunsod na rin ng pagdagsa ng NFA rice sa mga pamilihan.