Sasakyan nahulog sa bangin | MAYOR TODAS, VICE SUGATAN

NASAWI ang isang da­ting alkalde sa Milaor, Ca­marines Sur, habang su­ga­tan naman ang incumbent vice-mayor at bodyguard nito makaraang mahulog sa bangin ang kanilang sina­sakyang SUV sa Ragay, Ca­marines Sur, kahapon nang madaling-araw.

Dead-on-the-spot si Andre Hidalgo, habang gi­nagamot si Milaor, Cama­rines Sur Vice-Mayor Senen Bernas at driver/bodyguard nito na si Vincent Claro.

Batay sa naging salaysay ni Senen, nangyari ang ak­sidente sa bahagi ng national highway sa Bgy. Andaya.

Galing umano ang mga biktima sa Maynila at pauwi na sa Milaor at sa ka­lakasan ng pagbuhos ng ulan ay na­walan umano ng kon­trol ang kanilang sinasakyang Toyota Fortuner sa paiba­bang kal­sada hanggang sila ay bu­mangga sa steel bar­riers bago bumulusok sa ba­ngin.

Nabatid na si Hidalgo ay kandidato bilang muni­cipal councilor sa 2019 mid­term elections habang re-electio­nist naman si Bernas.