Pumalag sa holdap | VENDOR TINODAS

DEDO ang isang fish vendor matapos pagbabari­lin ng hindi kilalang suspek nang tangkain nitong pu­malag sa panghoholdap sa Malabon City, kahapon nang mada­ling-araw.

Isinugod sa Ospital ng Malabon bago inilipat sa Tondo Medical Center su­balit, idineklarang dead-on-arrival sanhi ng tinamong mga tama ng bala sa katawan si Gerardo Yamogan, 54, ng Bgy. Tonsuya.

Patuloy naman ang fol­low-up operation ng pulisya upang ma­dakip ang suspek na pu­matay sa biktima at tuma­ngay sa bag nito na naglala­man ng pera.

Ayon kina PO3 Julius Mabasa at PO2 Richard Andrew Calaycay, nagla­lakad si Yamogan sa kaha­baan ng Paradise Village, ala-1:30 ng madaling-araw pa­tungo sa Navotas Fishport para mamili ng isda nang ha­rangin ito ng suspek na ar­mado ng baril sabay paha­yag ng holdap.

Nang kukunin na ng suspek ang bag ng biktima, tumanggi ito at nagtangka umanong manlaban kaya pinagbabaril ito sa katawan.