3 yrs. old nabagsakan ng puno, dedo

ISANG tatlong taong gulang na babae ang nasawi matapos mabagsakan ng puno ng niyog sa Sitio Fal­bang, Sapu Masla, Mala­patan, Sarangani.

Nasugatan din ang ina nito na si Seta Tayal, 40, at 13-anyos na kapatid na si Jessie.

Ayon sa inisyal na im­bestigasyon, naganap ang insidente, pasado alas-10:00 ng gabi ng Linggo habang natutulog ang mga biktima sa kanilang kubo.

Nasa gitna umano ang paslit kaya ito ang napu­ruhan at saktong tinamaan ng natumbang puno ang ka­nilang kubo na dahilan ng kanyang pagkakaipit at ka­launan ay binawian din ng buhay.

Sinasabing nasa isang dipa lamang ang layo ng nasabing puno sa kubo.

Inaalam naman ng mga awtoridad ang dahilan ng pagkakabuwal ng puno da­hil hindi naman umano ma­lakas ang hangin at wala ring ulan nang mangyari ang insi­dente.